第一時間諗起韓燒, 但一諗起旺區實多人,有排等.......即刻想打消念頭....
好彩醒目嘅朋友介紹左呢間佐敦嘅平昌, 地點方便又唔會等到傻
店入面都幾闊落舒服, 但抽氣可以改善返少少, 隱約有些少油煙味.....
不要穿毛衣食韓燒是常識吧!!
一埋位店員立即送上前菜開胃
餓到就死的我二話不說立即落單
留意菜單一部分菜式只限晚上供應, 仲有需要另外收費嘅PREMIUM MENU, 今次我就加左鮑魚
食韓國野我一定會叫辣豆腐海鮮湯,
湯頭不會太鹹亦有海鮮鮮甜味, 可以飲曬
!!
至於年糕就不過不失啦, 但肚餓如我一樣清曬 XD
有少少辣要飲下野, 都幾多韓式飲品揀!
我個人最中意飲呢罐蘆薈汁, 成晚飲左5罐 XD!!
返埋位轉頭已經成抬野食, 此店嘅調味幾岩我胃口, 唔會太濃味。
五花肉同牛肋骨肉都好正!!
蠔同部分海鮮都係任食!!
店員服務亦好好, 成日主動過黎幫我地燒, 啱曬我呢D懶鬼 XD !!!
仲教我地點可以燒得有系統D, 好細心 !! 值得一讚
最後另加嘅芝士鮑魚, 熱熔芝士加埋大大隻鮑魚冇得輸
飽到上心口 落樓都只係每人 $270到(包加一同額外碟鮑魚).....真係好扺食!!!
下次再咁餓一定會再黎!!!!
