不過呢個車仔麵依然都係性價比高。長期都有人龍，不過太安樓有得坐低食都一定係好熱，所以大部分人都係外賣拎返屋企食。我哋今晚堂食，叫左2碗車仔麵，都係5餸既，其中一個仲要係特別餸加$10，再加多罐可樂total都係$109，非常抵食。
餸方面，冬菇真係必食，炆得好入味，浸完落車仔麵個湯都仲keep到，好正。另外，韮菜餃都好好食。唔知係消量高定係控制得好，餃子皮唔會淥到腍晒。豬頸肉就有d肥，肥瘦唔均勻，不過車仔麵嚟講都叫合格。其他餸都好正常，70-80分啦。我哋宵夜都係叫菜底唔食麵，所以評論唔到d麵如何。
2
