因為時間尚早，鋪內冇咩人，靜靜地，坐得好舒服！店員好有禮貌咁介紹而家做緊優惠，船麵餐配手工啤同蝦餅，船麵可以㨂龍蝦，個餐好優惠！
不過我哋唔係好想食麵，最後叫左椰子雞湯、青咖喱牛、蝦餅、飛天通菜、蛋包金邊粉、芒果糯米飯同飲品！
蝦餅比想像中大碟，食完都飽曬咁滯😂而個醬就偏甜！青咖喱好香，牛好嫩，個汁撈飯好正！飛天通菜都好味！椰子雞湯好多料，好好味！芒果糯米飯，白糯米好棉好正、黑糯米偏硬，還可以，芒果略酸，可能唔啱時節！杯芒果特飲偏淡，還可以！
由於眼闊肚窄，叫得太多，金邊粉已經食唔落，我地打包返屋企，第二日翻熱食都仲係好味，我諗即場食仲正！
