飛鷹餐廳

好耐好耐之前喺深水埗練波，有時夜就會喺附近食飯，有日想同朋友慶祝就決定去飛鷹試吓，無論喺10年前定10年後，鐵板餐嘅價錢依然比出面嘅扒房平好多🤩$127就有餐湯、餐包、牛扒配薯菜同飲品，轉意粉就要加$10🍝

羅宋湯都幾鮮甜、微微辣，有唔少我鍾意食嘅椰菜🥰餐包非常鬆軟，有舊式麵包舖嗰種牛油麵包香味，溫度亦都啱啱好可以溶到啲牛油，作為麵包控嘅我非常滿意😋

鐵板肉眼餐

$127

牛扒方面我哋分別揀咗肉眼、西冷、牛柳，全部價錢一樣，不過肉眼睇都好難分辨🤣肉眼本身脂肪含量高啲，所以食落都彈牙啲，牛柳就偏淋左少少，西冷算係兩者嘅中間，但都唔會太硬、好容易切開，叫五成熟就啱啱好👍🏻份量方面都幾足，我份肉眼幾乎有兩塊牛扒咁款，雖然底下嘅菜唔可以話多，但至少比出面嘅扒房俾得慷慨🤣整體嚟講係非常之抵食水準又唔錯嘅扒餐，尤其是有童年嘅味道，所以食得好開心😆不過就唔好追求肉味好濃或者服務好高級🙈

2

4

1