Read full review
2017-05-29
2231 views
朋友知道媽媽食素，專登推介自在素食嘅自助餐，話以前東張西望都有介紹。趁前幾日放假就帶咗媽媽黎試佢嘅午市自助餐。地點係太子地鐵站附近，行兩三分鐘就到，非常方便。價錢亦都只係$58一位，好抵。之前成日陪媽媽返大陸食素，以自助餐嚟講，款式同大陸相比係算少，但都唔係話太少，都有成十幾樣，款款都好熱。食物質素都唔錯，我最鍾意食佢嘅齋鹵味，粉絲茄子都非常出色，好入味。炒麵更係我嘅至愛。甜品方面，糖水同涼粉分開擺，可以自己調節甜度。媽媽都讚佢抵食，叫我多啲同佢嚟食，下次再試下佢啲小菜。嚟之前都有上嚟睇過網友comment，見到有一位網友踩得好勁，但朋友又話ok，先抱住試一試嘅心態幫襯。店內有一兩位員工服務態度的確麻麻，全程黑面，好似唔歡迎我地嚟咁。但大部份員工態度都親切友善。雖然香港人出咗名無笑容成日黑口黑面，但希望下次再去時，唔會再有人黑我地面啦。我地去時樓下無晒位，店員帶咗我地上閣樓坐，聽聞平時食自助餐就坐樓下，叫小菜先上樓上。閣樓嘅位置坐得幾舒服，係平時酒樓式格局。樓下啲位望落去就窄咗啲喇，不過都明嘅，開係旺區。要嚟裝野食嘅碗碟擺咗係湯左邊，自己攞自己換。飲完湯食糖水都可以有得換。見佢貼咗塊減
地點係太子地鐵站附近，行兩三分鐘就到，非常方便。價錢亦都只係$58一位，好抵。之前成日陪媽媽返大陸食素，以自助餐嚟講，款式同大陸相比係算少，但都唔係話太少，都有成十幾樣，款款都好熱。
193 views
0 likes
0 comments
食物質素都唔錯，我最鍾意食佢嘅齋鹵味，粉絲茄子都非常出色，好入味。炒麵更係我嘅至愛。
甜品方面，糖水同涼粉分開擺，可以自己調節甜度。
媽媽都讚佢抵食，叫我多啲同佢嚟食，下次再試下佢啲小菜。
嚟之前都有上嚟睇過網友comment，見到有一位網友踩得好勁，但朋友又話ok，先抱住試一試嘅心態幫襯。
店內有一兩位員工服務態度的確麻麻，全程黑面，好似唔歡迎我地嚟咁。但大部份員工態度都親切友善。雖然香港人出咗名無笑容成日黑口黑面，但希望下次再去時，唔會再有人黑我地面啦。
我地去時樓下無晒位，店員帶咗我地上閣樓坐，聽聞平時食自助餐就坐樓下，叫小菜先上樓上。閣樓嘅位置坐得幾舒服，係平時酒樓式格局。樓下啲位望落去就窄咗啲喇，不過都明嘅，開係旺區。
要嚟裝野食嘅碗碟擺咗係湯左邊，自己攞自己換。飲完湯食糖水都可以有得換。見佢貼咗塊減少換碟支持環保嘅紙係度，都唔係幾好意思好似平時食自助餐咁，食完一碟就換過隻添～
Post
