Read full review
2019-09-06
2817 views
趁暑假就嚟完，請咗日假帶埋小朋友出去去街街，老公鍾意食燒牛，特登搵吓尖沙咀邊度有，發現呢間牛繁的lunch set只需$128 ，似乎幾抵食所以就去視察下。原來牛繁係來自日本，有超過150間分店，歷史悠久，所以相信有一定質素保證。lunch set有六款選擇，部份要另外加錢，每個餐都包含沙律、白飯、湯同飲品，仲可以追加配料，白飯升級或加甜品。我哋兩大兩小，最後叫咗三個set再追加兩份配料。套餐包嘅沙律可選薯蓉沙律或者大崎蟹柳沙律，薯蓉沙律顧名思義其實就係一舊薯蓉，但除咗薯仔之外，裏面仲有紅蘿蔔絲、洋蔥絲和青瓜絲等等，淋上胡麻醬，都幾好食。蟹柳沙律就係蟹柳絲、粟米粒加生菜絲加汁，都ok。除咗套餐嘅沙律，佢仲端上了一碗芽菜前菜，應該是送的，作為餐前小食都不錯，開胃。今日嘅湯係蛋花湯，好多蛋花味道一般。主角終於出場，分別有「特上牛胸腹肉」、「元氣牛五花」（加$10 ），同埋「元氣牛小排」（加$20 ）。每份份量都唔少，頭兩款，每款有八篇，牛小排可能因為每塊面積大，一共有五塊。牛胸腹肉顏色較深，油花不多，肉質有點韌，但都有牛味。牛五花相對薄身，脂肪均勻，肉質嫩腍，我自己最鍾意呢個。牛小排就比較
原來牛繁係來自日本，有超過150間分店，歷史悠久，所以相信有一定質素保證。
lunch set有六款選擇，部份要另外加錢，每個餐都包含沙律、白飯、湯同飲品，仲可以追加配料，白飯升級或加甜品。
我哋兩大兩小，最後叫咗三個set再追加兩份配料。套餐包嘅沙律可選薯蓉沙律或者大崎蟹柳沙律，薯蓉沙律顧名思義其實就係一舊薯蓉，但除咗薯仔之外，裏面仲有紅蘿蔔絲、洋蔥絲和青瓜絲等等，淋上胡麻醬，都幾好食。
薯蓉沙律
21 views
1 likes
0 comments
大崎蟹柳沙律
16 views
1 likes
0 comments
今日嘅湯係蛋花湯，好多蛋花味道一般。
主角終於出場，分別有「特上牛胸腹肉」、「元氣牛五花」（加$10 ），同埋「元氣牛小排」（加$20 ）。每份份量都唔少，頭兩款，每款有八篇，牛小排可能因為每塊面積大，一共有五塊。
牛胸腹肉顏色較深，油花不多，肉質有點韌，但都有牛味。
特上牛胸腹肉
13 views
1 likes
0 comments
牛五花相對薄身，脂肪均勻，肉質嫩腍，我自己最鍾意呢個。
元氣牛五花
18 views
1 likes
0 comments
牛小排就比較厚身，中間有塊骨，感覺就真係似食牛扒，冇五花咁腍，但係亦冇牛胸腹肉咁韌。
元氣牛小排
19 views
1 likes
0 comments
除咗以上套餐，我哋仲加咗一份「蔥燒鹽香牛舌」（ $68 ）同埋「嚴選櫻姬雞腿肉」（ $58）。
牛舌切得好薄，有啲醬汁醃住，份量好多，要快燒上碟，否則會變老就太韌。
蔥燒鹽香牛舌
$68
28 views
1 likes
0 comments
雞腿肉有五條，食落都好滑。
嚴選櫻姬雞腿肉
$58
11 views
1 likes
0 comments
相比之前食過嘅烤肉，呢度嘅肉醃得唔算濃味，可能係日式同韓式嘅分別，大家可以跟餐牌上嘅指示點調味料，悉隨尊便。
跟餐可以選擇炭燒烏龍茶或檸檬茶，檸茶都好大杯，燒肉配凍飲是一流的選擇。
除咗一般烤肉店都會有嘅抽風系統、夾，佢仲有鉸剪、圍裙、除味劑、牙籤、濕紙巾、漱口水（喺洗手間裏面）等等物品提供，另外亦有儲物服務和免費叉電（喺張枱下低有差電位，唔使用佢另外嗰個尿袋），我覺得相當細心，值得一讚。
食咁多嘢，連加一都唔使$600 ，算好抵！如果夜晚嚟，仲可以like佢Facebook，會送一份澳洲和牛里脊肉！
Post
