Read full review
2017-09-16
798 views
陪朋友去金魚街睇金魚，睇完見肚餓就去樓下搵嘢食，比呢間泰國菜門口串燒檔吸引左我地入去。餐廳有兩層，我哋兩個人就安排左去樓下，三個人或以上先至可以坐上面，限時個半鐘。佢哋都有好多選擇，點咗泰式雞絲湯河＄42，份量都幾大碗，湯底唔錯，飲得出係用雞肉去煲，河粉係用我哋平時食開嗰種車仔麵河粉，入邊仲有雞絲，都幾滑口，食完一碗都幾飽肚。當然點返個燒雞肉串$12，上面淋上沙爹醬，沙嗲醬好惹味，咬到有花生粒，雞肉都幾滑，重點左兩串燒雞翼＄15一串 , size同燒雞肉差不多，調得幾入味，係有一隻外皮燒得有啲焦咗少少。炸蝦餅＄85，啱啱炸起，上菜嗰陣時勁熱，外皮炸得金黃，入邊蝦肉彈牙，點埋個泰式辣醬啱啱好朋友想點返個菜，就叫咗個馬拉盞炒椰菜苗＄75 ,馬拉盞好香配有辣椒，帶少許辣味，菜苗都好嫩口。餐牌上面寫住滿＄200可以加一蚊要其中一款小食，我哋梗係唔執輸啦，點咗泰式椰汁糕，$1有四件，質素都唔差，好香椰汁味，下面有西米露加粟米，細細件作為飯後甜品都不錯。最後埋單唔使＄300，餐廳又唔收加一,喺旺角區來講都算唔錯。
餐廳有兩層，我哋兩個人就安排左去樓下，三個人或以上先至可以坐上面，限時個半鐘。
佢哋都有好多選擇，點咗泰式雞絲湯河＄42，份量都幾大碗，湯底唔錯，飲得出係用雞肉去煲，河粉係用我哋平時食開嗰種車仔麵河粉，入邊仲有雞絲，都幾滑口，食完一碗都幾飽肚。
當然點返個燒雞肉串$12，上面淋上沙爹醬，沙嗲醬好惹味，咬到有花生粒，雞肉都幾滑，
重點左兩串燒雞翼＄15一串 , size同燒雞肉差不多，調得幾入味，係有一隻外皮燒得有啲焦咗少少。
炸蝦餅＄85，啱啱炸起，上菜嗰陣時勁熱，外皮炸得金黃，
入邊蝦肉彈牙，點埋個泰式辣醬啱啱好
朋友想點返個菜，就叫咗個馬拉盞炒椰菜苗＄75 ,馬拉盞好香配有辣椒，帶少許辣味，菜苗都好嫩口。
餐牌上面寫住滿＄200可以加一蚊要其中一款小食，我哋梗係唔執輸啦，
點咗泰式椰汁糕，$1有四件，質素都唔差，好香椰汁味，
下面有西米露加粟米，細細件作為飯後甜品都不錯。最後埋單唔使＄300，餐廳又唔收加一,喺旺角區來講都算唔錯。
Post
