Read full review
2020-06-14
522 views
今日玩見家長,梗係要揀一間好少少又可以坐得耐嘅餐廳啦,呢間餐廳嘅環境幾好,啱晒幾個人一齊傾吓計。我哋嗌左個四人餐,落完單冇耐佢就俾咗啲餐包我哋,分別係每人一條餅乾條同埋一件好軟熟嘅麵包,佢條餅乾條係加咗香草,所以個味道都幾特別,而佢哋個麵包真係好軟熟,唔會乾爭爭硬掘掘,我覺得幾好食。個餐仲會包咗個沙律,雖然佢嘅材料好簡單,只係麵包粒同埋芝士碎,但係因為啲菜真係好新鮮,所以幾爽,唔錯。而佢哋個餐湯係羅宋湯,不過我自己覺得偏酸咗少少,但係我諗咁樣會幾開胃。睇佢個餐牌見到有一個好特別嘅食物,就係一支雪茄咁嘅樣,我哋仲天真地問咗個職員「呢支係咪真係雪茄嚟㗎」,咁其實佢係黑松露麵包粒扮煙灰,支雪茄就係薯蓉,所以其實成支都可以食落肚。另外仲嗌左一個薯蓉法式田螺,佢啲薯蓉真係好creamy,而成道菜都好香蒜蓉味,好好食。到主菜啦,我哋揀咗個香煎鱈魚扒,佢啲魚肉真係好滑,連個魚皮都煎得好香。另外一個就係西冷牛扒,我哋揀咗五成熟,佢嚟到又真係啱啱好,好腍。然之後仲有茄汁大蝦意粉,佢呢個就犀利啦,啲蝦仲多過意粉,隻隻蝦都大大隻,幾爽口彈牙。跟住仲有揀咗個火腿Pizza,佢係簡簡單單用黑醋做調味,而黑醋好香
我哋嗌左個四人餐,落完單冇耐佢就俾咗啲餐包我哋,分別係每人一條餅乾條同埋一件好軟熟嘅麵包,佢條餅乾條係加咗香草,所以個味道都幾特別,而佢哋個麵包真係好軟熟,唔會乾爭爭硬掘掘,我覺得幾好食。
個餐仲會包咗個沙律,雖然佢嘅材料好簡單,只係麵包粒同埋芝士碎,但係因為啲菜真係好新鮮,所以幾爽,唔錯。
而佢哋個餐湯係羅宋湯,不過我自己覺得偏酸咗少少,但係我諗咁樣會幾開胃。
睇佢個餐牌見到有一個好特別嘅食物,就係一支雪茄咁嘅樣,我哋仲天真地問咗個職員「呢支係咪真係雪茄嚟㗎」,咁其實佢係黑松露麵包粒扮煙灰,支雪茄就係薯蓉,所以其實成支都可以食落肚。
另外仲嗌左一個薯蓉法式田螺,佢啲薯蓉真係好creamy,而成道菜都好香蒜蓉味,好好食。
到主菜啦,我哋揀咗個香煎鱈魚扒,佢啲魚肉真係好滑,連個魚皮都煎得好香。
另外一個就係西冷牛扒,我哋揀咗五成熟,佢嚟到又真係啱啱好,好腍。
然之後仲有茄汁大蝦意粉,佢呢個就犀利啦,啲蝦仲多過意粉,隻隻蝦都大大隻,幾爽口彈牙。
跟住仲有揀咗個火腿Pizza,佢係簡簡單單用黑醋做調味,而黑醋好香配合火腿,唔會太咸,味道幾夾,餅底鬆脆,唔會太實。
然後我哋額外加咗一個白酒蜆肉意粉,佢啲蜆肉都好鮮甜,最重要係冇沙,而調味都好夠味,同樣地蜆肉多過意粉,好抵食。
食到飽飽之後個餐仲有個甜品,係朱古力雪糕泡芙,泡芙外面包左層雲呢拿雪糕,而泡芙入邊呢係朱古力雪糕,雖然係咁,但唔會好甜,味道幾好。
Post