Hanwoopasture (Closed)

韓牛牧場係一間燒肉放題店，位於銅鑼灣永光中心，位置都算方便。

餐廳有做幾個價錢既放題，要選咩級數既放題就自己決定啦。

一開始餐廳會附送羊架既，羊架既味道都唔錯，羊肉都幾厚，幾好味。

之後我就開始點肉黎燒，牛肉方面我自己就覺得用料都唔錯既，牛肉有肉香，入口唔算太油，都幾好味。部分既牛肉係有調過味既，調味都調得唔錯。

食完肉之後就到食雪條，雪條方面就有韓式雪條，選擇唔算多，但味道都唔錯既。

今次食得都幾飽，冇叫太多其他野試，整體黎講依間餐廳既牛肉質素幾好。