Hung Ling Restaurant

朋友離港前想打個靚冷，咁岩碌社交平台見到啲人對紅伶既墨魚片讚不絕口，咁就去試試啦！

掛得食，食到半路先記得影張相
墨魚片比想像中無咁特別，覺得可以攤耐少少先食，可能因為岩岩雪櫃拎出黎比較硬。

至於蠔餅正！有好多蠔仔呀！炸得夠脆又唔怕油！

蝦同蠔仔粥就正常發揮，不過不失。

至於炒蜆就要扣少少分，因為有沙。

總括黎講，紅伶水準中等，但勝在抵食同埋唔趕人！等我地一班小學同學可以好好聚一聚。

有機會下次會再試下其他菜式既