Deli and Wine (Closed)

以前耐唔時都已經係Deli and Wine嘅捧場客⋯⋯抵食快捷坐得舒服！尖沙咀嗰間裝修過之後都未嚟過今日去完藝術館就過嚟食一個早晚餐！你咁樣嘅價錢真係好抵食！例牌梗係叫個常餐啊⋯⋯叉燒湯意粉都好靚，加埋多士同埋個炒蛋。炒蛋好香，連杯嘢飲都係$58勁抵！另外嗌咗一個小食餐都係好抵嘅！炸魚薯條原本跟啤都係$68，但我哋唔飲酒就，可以揀熱飲或者凍飲！份量咁都唔少㗎！仲有嗌左一個菜沙律，呢個就真係最差啦，睇相就份量比較多同靚，但係實質青菜份量少，紅菜頭係可以嘅，跟住有啲蕃茄同埋有一堆好硬嘅飯，我就冇食到啦！呢個唔係餐另外要加$8有熱飲最唔抵下次可能要燒雞沙律會好啲