Choi Kee

今日收工約左朋友去官觀，我地順便係附近晚餐，朋友介紹左一間平民又價錢合理嘅小菜餐館。

我地一去到店員好有善咁招呼我地入座，之後我就點左椒鹽鮮魷，蠔仔餅，魚香茄子煲。

好快食物就送到我地面前，椒鹽鮮魷味道好惹味，好有避風塘風味，而且魷魚都好新鮮，爽口彈牙。

蠔仔餅炸得好香脆可口，而且一咬落去啖啖蠔仔嘅鮮甜充滿整個口腔。

魚香茄子煲味道好有大排檔風味，茄子已經煲到好軟身，一食仲有魚香味，岩岩出爐嘅魚香茄子煲係最好味。

呢間餐廳價錢真係好抵，而家份量都好多，我地叫左三個小菜已經食到好飽，而家環境都好乾淨，地段又方便，最鍾意係佢夠鑊氣，如果下次經過都會黎再試其他菜式。