魚米家魚湯米線 (Closed)

受疫情影響，而家外賣自取七折。揀左湯麵套餐（$53），招牌魚腐豬軟骨魚湯米線，仲可選一款小食同埋飲品，七折後$37咋。外賣自取最着重保温同保質，拎到番去十分鐘左右個湯仲熱嘅，麵同湯分開上，確保個麵唔會變淋。俾左折扣，但餸方面冇少到，仲有五件魚腐，豬軟骨仲腍到就黎冇牙嘅都食到😆。小食有魚皮，炆冬菇，生菜同魚湯蘿蔔供選擇，最後我揀左生菜，以套餐呢個價錢黎講份量都算多。杯奶茶就正常啦，都係嗰句，呢個價錢就唔會太多要求了。