我地大約7點左右去到，慢慢開始多人，7:30pm就差唔多成間餐廳都坐滿人！
由於我地好肚餓，所以都叫左好多野食！
最鐘意嘅係鹽酥雞排面～本身鐘意煙un嘅野，所以叫左粗面，呢間餐廳嘅粗面真係好好味！湯底唔會太咸，鹽酥雞嘅味道都剛好🥰
仲叫左另一個主食，冷面都幾好味，佢嘅芥末味好出，個人都好鐘意呢個主菜！啲麻醬、雞絲、青瓜、冷面都好夾👍🏽
另外仲叫左煎餃，味道都唔差，我鐘意佢個皮夠薄身！但因為坐正風口位，略嫌有少少唔夠熱😢 但整體味道都唔錯！
之後仲叫左個蛋餅，好足料，有芝士有肉鬆！如果佢熱啲就會更加好味～
肉燥浸娃娃菜都唔錯，份量好多🤪
最後仲叫左甜品同野飲
芋圓、珍珠都好有咬口
再叫左杯熱飲暖下胃～
總括嚟講，好抵食嘅餐廳😊😊😊
