湊湊‧甄選 (AIRSIDE)

Open Now

Now Closed

之前去過湊湊食晚市火鍋念念不忘，今次見到湊湊做緊個午市台式半自助套餐，好抵食，決定去湊湊食個午餐解下火鍋癮！午餐set由$78-$98，包左一個套餐，我點左個經典紅顏花膠雞小火鍋（配烏冬），除左個小火鍋，仲有個前菜、同埋個滷豆腐、鴨血。套餐已經好豐富，但唔好唔記得一定要出去夾前菜食，有好彈牙爽口的麻辣魚皮、仲有麻辣鮑魚菇片，好好食。如果怕唔夠飽，就可以出去舀滷肉飯食，任添唔嬲，而且好高質，個肉燥唔會太肥太油，個味又做得剛剛好，送飯一流。最後一定要出去拎水果，有西瓜、哈蜜瓜，好清甜呀，做飯後甜品啱哂。我朋友叫左個係寶島慢煮蕃茄牛肉小火鍋，見到好多件牛肉，都唔錯。