點心到 (廟街)

Open Now

Now Closed

夜晚想食點心，依間係一個好好嘅選擇！又平又好食，仲坐得幾舒服。蒸飯好抵食，叫咗個籠仔鳳爪排骨飯（ $35 ），一嚟到都好驚訝，個份量大到可以兩個人食，個飯仲要好有飯香，加埋豉油、鳳爪、同排骨，呢個經典配搭係好好食嘅蝦餃($16)同燒賣（$15）係可以叫兩粒，就算兩個人黎都可以試多啲款！兩款都夠足料，蝦肉好大粒仲叫咗香茜牛肉腸（ $25 ），個皮夠晒薄，牛肉口感都唔錯！紅油抄手（$25 ），個皮好滑，而依度嘅抄手唔太辣偏鹹。最後仲叫咗鹹水角（ $20 ），入口好脆，食落就煙韌，餡料唔算好多同濃味，所以味道偏甜。依間餐廳性價比真係幾高！