燒鳥 (Closed)

聖誕節當日，我同朋友一行三人去食，前一晚我細妹去食過，話唔多人，係8點半又係節日又係假期的繁忙時間，都唔想去諗邊到食，於是去食，燒鳥既晚市價錢一d都唔貴，四十幾蚊一個set dinner~ 我地叫左個二人餐同一個一人餐，共三個飯，一隻雞翼餃子，燒雞心串，一個凍豆腐，一個牛油炒雜菇，和味噌湯......唔知係咪好多人味噌湯得半碗到，不過咸咸地好好飲，好飲過平時果時日本廳餐。我地一坐低已經想叫清酒，不過老闆好忙，一腳踢，又唔係好識講廣東話，我由一坐低叫一路叫到我走都飲唔到，不過見佢咁忙，就由佢lu~~~當中雞翼餃子、燒雞心串好好食和鰻炒飯最好食。我地走果時明明計過係$148，但唔知點解佢話係$108，死都唔肯收我地錢，而家已經好少見到咁既人lu~~佢除外係裝潢麻麻之外，老闆態度殷勤落力，食物又不錯，最重要係即叫即整，價錢又平，我會再幫襯。