串Grill 自助燒烤專門店 (廣華街) (Closed)

平時食串燒都偏貴，一串都十幾廿蚊，見呢到有串燒放題，都幾抵食! 串燒種類都幾多下，有基本既豬牛雞，仲有墨魚咀，台灣腸，日本甜薯連燒賣都有。呢到係自助形式，落完單就可以自己燒，都幾有趣，仲有個牌仔教您每樣食物要燒幾耐。調味方面，有韓式烤肉醬同泰式魚露，仲可以點佢既辣粉/海鹽/孜然粉/味椒鹽。蝦卷串燒都幾唔錯，而呢到既墨魚丸，係黑色一粒粒架。燒雞皮燒到脆脆地，好好食! 魚肉年糕燒完中間係煙煙韌韌咁，呢款都幾推介！食到最後仲可以叫埋雞蛋仔同埋棉花糖。仲有雪糕，係haagen-dazs! 食完一餐咁樣都幾飽架！抵食過散嗌好多，位置又方便，推介大家黎食呀呢間！