串燒王係銅鑼灣開左分店，面積同上次食既北角分店差唔多，不過新店環境當然乾淨得多👍🏻
上菜時間好快，等左十分鐘左右。
- 錫紙花甲粉
份量好大，見到兩大條原隻辣椒就feel到好辣，粉絲好索汁，花甲幾厚肉同大粒，配料仲有金菇，非常惹味。
- 蒜蓉扇貝帶子
扇貝好大粒，肉質彈牙，扇貝差唔多被蒜蓉粒覆蓋住，調味唔會話太鹹👍🏻
- 虎皮青椒
外皮好似虎皮咁紋路分明，而且好香脆，同時青椒好清甜。
- 雞軟骨
一串只係$14非常抵食，口感爽脆，調味適中。
- 韭菜
孜然增添辛香既風味，同鮮甜既韭菜幾夾。
- 娃娃菜
辣粉放左好多，真係好辣🤣
整體而言菜式味道依然保持水準，感覺銅鑼灣新分店坐得更加舒服。另外啤酒經常有優惠，同朋友傾偈暢飲最正👍🏻
