亞參雞飯 (屯門市廣場1期)

Open Now

Now Closed

今日同咗幾位朋友一齊食下午茶，依家下午茶都幾抵食，價錢唔太貴。餐廳又唔使排隊，所以就揀咗呢間餐廳。我就叫咗個馬來咖喱雞撈麵，咖喱幾辣，配料有馬鈴薯，無論雞肉定馬鈴薯都非常入味。面嘅份量唔多，麵質幾好。食完個麵都唔會覺得好飽。再加埋啲小食，食完先夠飽。叫咗兩個小食，分別係椰香咖央南洋包，一塊包切開四份，每份上面都有一小舊牛油同椰絲，食落好香，充滿椰子同牛油嘅香味，口感好脆口，幾好食。香烤豬肉串一份有三串，味道幾惹味。