御名軒

Open Now

Now Closed

今日去開銅鑼灣維多利亞公園附近做嘢，我大約兩點鐘到呢度御名軒食下午茶。個下午茶非常之抵，我自己一個人食，食咗四樣嘢都係一百蚊唔使。山竹牛肉美味而且無過度啤水。有啲食肆會將啲牛肉啤到無味無度，然後自己調味，搞到成件山竹牛肉冇牛肉味。這件就不同，有肉味，好食。燒賣表現理想，豬肉和蝦肉分明。豬肉內有筋，咬落彈牙。燒賣嘅size合宜，一籠四粒抵食。春卷內餡多，有蝦有木耳等等爽口材料，配上喼汁，十分吸引，而且不油不膩，咬落香脆。第四籠是排骨鳳爪，可惜食得太興奮，忘記影相。整體食肆食物質素良好，環境舒適，清潔衛生合格，是下午茶的好地方。