金鳳大餐廳 (山林道)

Open Now

Now Closed

今日去開尖沙咀山林道揾食，係呢度有一間屹立多年嘅茶餐廳 — 金鳯大餐廳，最出名係特色扒餐，佢既下午茶都非常抵食，有三文治、豬扒包、沙律、豬肋骨、撈麵、西多士等等比你揀！今次叫左蕃茄肉醬焗意粉（$41）、一口西多士配吉列魚柳（$38）。肉醬意粉係傳統既蕃茄煮意粉底，肉醬由西芹、蘿蔔粒、洋蔥、肉碎、蕃茄醬煮成，並加上芝士鋪面焗熱，油份夠所以意粉好濕潤好易入口。一口西多士有兩大件，份量幾大，上枱熱辣辣，入面嘅餡係好香既粗粒花生醬，不過略嫌唔夠多煉奶，有啲乾，魚柳普通，肉質比較散。跟餐凍飲唔洗加錢，奶茶茶味夠濃，送西多一流！埋單仲唔洗加一，真係好抵食！