Renfrew Restaurant

放工後返學，放學後傾project, 真係鐵人都死，所以，一定要好好善待自己的胃！！

放學已經9:30,就在鄰近的聯福樓食飯好了。

一入酒樓，人人也在打邊爐，同學也嚷著要打。邊傾邊打，都唔過份姐

難得三人也愛吃辣，就要四川麻辣鍋吧！論辣味就真係一般，不過，只需加$5，真係想點？

至於火鍋料，都有好多款選擇，而且每位奉送兩隻鮮海蝦及一客肥牛，也算不錯。

食材也算新鮮，響鈴、雞肉、丸、腸、菜，也算應有盡有，汽水亦無限提供，唯一美中不足是肥牛除了送的那客外，就要加錢才有...

不過，埋單時出示學生證，就什麼費用也不用加，位位$69,以價錢論質素，也當真抵到無得傾了！！