Read full review
2019-05-22
4634 views
同事知我中意食，所以介紹左個優惠app比我，更推介埋呢間泰式餐廳比我，話食物質素唔錯，性價比高，而且又有board game玩，唔駛擔心坐到悶。聽佢講完之後深感興趣，但Openrice食評唔多，而且各評價都叮噹馬頭；不過朋友同我都想食泰菜，加上優惠後價錢相當吸引，最後仍然決定一試。餐廳有兩層，我地被安排到地下果層就坐；地方算大，餐枱之間夠距離，唔會坐得好迫；光線充足、環境算舒適、樓底夠高，所以唔會好嘈同唔會好有壓迫感；不過張櫈就好硬，唔好咁好坐。由於無去過上面果層，所以唔清楚環境係咪一樣。食物選擇唔少，由沙律、小食、飯、粉、甜品、連酒、Cocktail都有，可謂一應俱全。泰式鳳爪沙律 (原價$78)內含好多蔬菜，芹菜、生洋蔥、甘筍絲等，新鮮又爽脆；鳳爪份量可以接受，一開始食會覺得味道偏酸唔夠辣，但其實越底越辣。係一道好好既開胃前菜。小食拼盤 (原價$88)全部炸物都新鮮炸起，食果陣仲係好辣口。蝦餅太薄身，而且蝦肉唔夠彈牙；墨魚餅比蝦餅彈牙D，仲可以食到粒粒墨魚；春卷正常，不過炸得唔夠色；單骨雞翼最好味，炸到脆卜卜之餘，仲要唔覺得油膩，香芧味又濃，食完仍然覺得意猶未盡。炭燒豬頸肉飯 (原
餐廳有兩層，我地被安排到地下果層就坐；地方算大，餐枱之間夠距離，唔會坐得好迫；光線充足、環境算舒適、樓底夠高，所以唔會好嘈同唔會好有壓迫感；不過張櫈就好硬，唔好咁好坐。由於無去過上面果層，所以唔清楚環境係咪一樣。
食物選擇唔少，由沙律、小食、飯、粉、甜品、連酒、Cocktail都有，可謂一應俱全。
泰式鳳爪沙律 (原價$78)
泰式鳳爪沙律
$78
39 views
0 likes
0 comments
內含好多蔬菜，芹菜、生洋蔥、甘筍絲等，新鮮又爽脆；鳳爪份量可以接受，一開始食會覺得味道偏酸唔夠辣，但其實越底越辣。係一道好好既開胃前菜。
小食拼盤 (原價$88)
小食拼盤
$88
37 views
0 likes
0 comments
全部炸物都新鮮炸起，食果陣仲係好辣口。蝦餅太薄身，而且蝦肉唔夠彈牙；墨魚餅比蝦餅彈牙D，仲可以食到粒粒墨魚；春卷正常，不過炸得唔夠色；單骨雞翼最好味，炸到脆卜卜之餘，仲要唔覺得油膩，香芧味又濃，食完仍然覺得意猶未盡。
炭燒豬頸肉飯 (原價$78)
炭燒豬軟骨飯
$78
31 views
0 likes
0 comments
炭燒豬軟骨飯
$78
37 views
0 likes
0 comments
豬頸肉燒得好有炭焦香，食落不感油膩；不過肉質鬆軟而非爽脆彈牙款。
黃咖哩炒軟殼蟹 (原價$118)
黃咖哩軟殼蟹
$118
43 views
0 likes
0 comments
黃咖哩軟殼蟹
$118
32 views
0 likes
0 comments
平時食開軟殼蟹都係細細隻，但呢度既就大隻D、多肉D，而且趁熱食仲帶點酥脆。咖哩唔辣、帶點甜、較杰身，配香酥餅食最正。
香酥餅 (原價$68)
香酥餅
$68
28 views
0 likes
0 comments
一客有完整三大塊既圓餅，上枱果陣熱辣辣，表層少少脆，味道似台式手抓餅，不過無咁酥、亦無咁鬆，比較實。
眼闊肚窄既我地，兩個人點左5樣野；整體食物質素唔錯、夠熱夠新鮮，折扣後性價比好高；職員主動又有禮，下次如果見到同樣既優惠，一定會再黎。
Post
