Read full review
2020-04-22
602 views
受到抗疫限聚令關係，雖然我地少左出街食飯，也造就多左食店會做外賣生意星期天媽媽&侄仔來屋企食飯，平日已經不停煮飯，星期天唔想再咁辛苦勒，所以上開飯睇下邊間食店有外賣自取，見呢間麻辣派對外賣自取做緊7折，超抵呀🤗去到食店好夢幻，因為真係好似食店名一樣，去左party一樣，好想跳番part舞💃💃🤣食店做足防疫措施，就算只係買外賣都要量度體溫，要用搓手液消毒先👍🏻餐單好多選擇，而且分晒類好易睇👍🏻點完外賣，大約等15分鐘就可以拎得，每款菜都獨立包裝得好妥當，不會倒瀉籮蟹，呢點要讚呀👍🏻返到屋企都仲暖暖地，先睇下點左邊幾款外賣先🧐黃燜雞鍋(半隻)，雖然半隻，但都好足料，雞件幾滑，而且可以揀不同程度的辣度，但因為唔食得辣，所以點左走辣，但係味道都好入味好惹味👍🏻古法咕嚕肉：怪不得咁多人都點呢個餸，因為煮得外脆內軟，而且酸酸甜甜好開胃，大人細路都愛食😋麻辣牛展肉：因為媽媽鍾意食牛展，所以呢個特別點比媽媽食，牛展都幾爽唔鞋口，呢個我就特別要BB辣，好少辣就吊起味道，好食呀黑醋伴秋葵：食左咁多肉要食啲菜，呢個秋葵係幾好選擇，首先好爽脆，而且有黑醋，可以中和下肥膩感👍🏻清炒萵筍：呢個係我至愛，雖然只係清
星期天媽媽&侄仔來屋企食飯，平日已經不停煮飯，星期天唔想再咁辛苦勒，所以上開飯睇下邊間食店有外賣自取，見呢間麻辣派對外賣自取做緊7折，超抵呀🤗
去到食店好夢幻，因為真係好似食店名一樣，去左party一樣，好想跳番part舞💃💃🤣
食店做足防疫措施，就算只係買外賣都要量度體溫，要用搓手液消毒先👍🏻
餐單好多選擇，而且分晒類好易睇👍🏻
點完外賣，大約等15分鐘就可以拎得，每款菜都獨立包裝得好妥當，不會倒瀉籮蟹，呢點要讚呀👍🏻
返到屋企都仲暖暖地，先睇下點左邊幾款外賣先🧐
黃燜雞鍋(半隻)，雖然半隻，但都好足料，雞件幾滑，而且可以揀不同程度的辣度，但因為唔食得辣，所以點左走辣，但係味道都好入味好惹味👍🏻
古法咕嚕肉：怪不得咁多人都點呢個餸，因為煮得外脆內軟，而且酸酸甜甜好開胃，大人細路都愛食😋
麻辣牛展肉：因為媽媽鍾意食牛展，所以呢個特別點比媽媽食，牛展都幾爽唔鞋口，呢個我就特別要BB辣，好少辣就吊起味道，好食呀
黑醋伴秋葵：食左咁多肉要食啲菜，呢個秋葵係幾好選擇，首先好爽脆，而且有黑醋，可以中和下肥膩感👍🏻
清炒萵筍：呢個係我至愛，雖然只係清炒都好爽甜，正👍🏻
Post
