涮得棧星級火鍋

今晚約左２個中學死黨出黎聚一聚, 同學介紹話佢屋企附近有間打邊邊,
海鮮新鮮好好食, 所以就試下, 唔好食既話, 可以屈佢請丫嘛XD
所以我地主打ORDER海鮮!
可能六半已經去到既關係, 好快就有位, 一坐低部長話D蝦靚, 所以先叫左3隻先啦~
蝦的確係新鮮, 上台時仲彈彈下, 而且熟左之後超級爽, 好鮮呀!
同埋我未試過係酒家打邊邊食咁大隻蝦架, 酒家將D蝦保存得好好~

虎蝦

3隻唔夠喉, 所以黎多個蝦, 不過係生蝦刺身! 估唔到呢度有泰國style XD
個汁都OK 唔太搶左蝦既味道, 冰夠凍, 唔會水汪汪咁, OK啦~

生蝦刺身

帶子係我最愛!! 呢個帶子係上等貨! 夠鮮甜! 而且酒家都好慷慨呀, 份量足!
令我諗起去北海道札幌二條市場個時食既新鮮帶子, 嘻。

鮮帶子

第一次打邊邊叫鮑魚
唔食唔知原來口感係咁爽脆, 而且賣相好好, 睇落都幾新鮮架!

鮑魚

呢個就係朋友最愛既珊瑚蚌, 我覺得無咩特別, 不過朋友話好好味wor

珊瑚蚌

D蠔係大隻既, 點醬汁再食, 都算不錯啦~

美國桶蠔

花枝片~ 又係足料既, 有好多片呀! 正! 要讚一讚, 呢間野夠落足料! 圖片與事實相符呀下!

花枝片

而手打鮮蝦滑同墨魚滑可以雙併, 一碟試哂兩種, SO GOOD!
味道方面同其他地方差不多, 都彈牙既~

自選手打滑雙拼 - 蝦滑+魚滑

整體上, 服務良好, 湯底都叫合格, 但係用料真係上盛, 大陪份既野食都好味! 環境算舒適, 飽到唔想郁XD埋單每人兩百幾蚊, 合理! 愛人好鍾意食海鮮, 下次可以帶佢再黎食過!