今次黎到香港少見嘅印尼餐廳同朋友敘舊
好耐冇黎尖沙咀嘅我依家先知原來山林道多左咁多新餐廳😳
今次就去左The Nate嘅樓上鋪
3樓全層都係呢間峇里堂 所以空間感十足
而且裝修行簡約路線 大玻璃窗引入陽光真係特別寫意☀️
.
🌟雙色咖央多士 ($39)
今次嘅咖央多士係黃綠配色 造型精美
香脆多士之間夾左塊肥仔牛油🧈 食落好幸福🥰
而且咖央嘅味道同比例都啱啱好 係必食之選👍🏻
.
🌟巴東牛肉飯 ($78)
巴東牛肉飯係經典嘅東南亞菜式
牛肉煮得好腍 而且味道比想像中甜
我地特意加左8蚊點金貝飯🍚
呢個香料飯由香茅、檸檬葉、薑黃同椰汁煮成
配埋巴東牛肉真係好惹味😋
.
🌟印尼沙爹炒豬肉飯 ($59)
至於呢個豬肉飯用上好多洋蔥🧅
沙爹亦都較甜而且唔辣
豬肉切成一條條 對我黎講呢個味道都幾新穎
.
🌟峇里堂珍多公雞冰冰 ($58)
呢度嘅甜品可以係點餐紙揀選後上 咁就唔會溶晒 非常貼心
有齊珍多冰嘅材料 色彩繽紛😙
雪糕口味有椰子🥥或者海鹽可供選擇
係一個經典嘅東南亞甜品😚
1
