Read full review
2022-12-29
1952 views
E FOR EGG 📍大圍城河道19-25號城河樓地舖━━━━━━━━━━━━━━━━━━━━━━━━━━━啱啱裝修重開嘅店 人氣依舊高企 我地好幸運咁等到上層嘅榻榻米座位 成餐飯勁有feel⚡總體嚟講 食物賣相好得嚟味道都唔錯㗎🤩 服務態度都好好仲唔收加一!━━━━━━━━━━━━━━━━━━━━━━━━━━━🦀金沙軟殼蟹三文魚籽海鮮沙律盒子吐司 $108 ▶︎ 上到嚟分量比想象中細 吐司入面包住滑蛋同海鮮沙律 上面夾住炸軟殼蟹 最後有金沙醬淋面 伴碟嘅仲有少許沙律同番薯條 ▶︎ 炸軟殼蟹都算大隻 味道正正常常 幾酥脆亦都唔會好油🙌🏻 另外覺得三文魚籽分量可以多返少少🤏🏻▶︎ 調味方面做得好好 海鮮沙律係好清爽嘅感覺 可以綜合返炸軟殼蟹嘅油膩 金沙醬就有甜甜地嘅感覺 不過覺得鹹蛋黃味可以再濃啲😆▶︎ 但係炒蛋唔係好嫩滑 而吐司都比較乾身 唔夠軟熟 可能一上檯就食會好少少🥲好味指數:●●●●◐ ━━━━━━━━━━━━━━━━━━━━━━━━━━━━🍄香蒜黑松露雜菌拉絲芝士盒子吐司 $65 ▶︎ 相對嚟講平啲 但係質素都好好 吐司夾住分量好足嘅黑松露炒蛋🥚😲 上面仲有雜菌同黑松露醬 同樣有沙律同
📍大圍城河道19-25號城河樓地舖
━━━━━━━━━━━━━━━━━━━━━━━━━━━
啱啱裝修重開嘅店 人氣依舊高企 我地好幸運咁等到上層嘅榻榻米座位 成餐飯勁有feel⚡
總體嚟講 食物賣相好得嚟味道都唔錯㗎🤩 服務態度都好好仲唔收加一!
━━━━━━━━━━━━━━━━━━━━━━━━━━━
🦀金沙軟殼蟹三文魚籽海鮮沙律盒子吐司 $108
▶︎ 上到嚟分量比想象中細 吐司入面包住滑蛋同海鮮沙律 上面夾住炸軟殼蟹 最後有金沙醬淋面 伴碟嘅仲有少許沙律同番薯條
▶︎ 炸軟殼蟹都算大隻 味道正正常常 幾酥脆亦都唔會好油🙌🏻 另外覺得三文魚籽分量可以多返少少🤏🏻
▶︎ 調味方面做得好好 海鮮沙律係好清爽嘅感覺 可以綜合返炸軟殼蟹嘅油膩 金沙醬就有甜甜地嘅感覺 不過覺得鹹蛋黃味可以再濃啲😆
▶︎ 但係炒蛋唔係好嫩滑 而吐司都比較乾身 唔夠軟熟 可能一上檯就食會好少少🥲
好味指數:●●●●◐
金沙軟殼蟹三文魚籽海鮮沙律盒子吐司
$108
28 views
0 likes
0 comments
━━━━━━━━━━━━━━━━━━━━━━━━━━━━
🍄香蒜黑松露雜菌拉絲芝士盒子吐司 $65
▶︎ 相對嚟講平啲 但係質素都好好 吐司夾住分量好足嘅黑松露炒蛋🥚😲 上面仲有雜菌同黑松露醬 同樣有沙律同炸番薯條
▶︎ 黑松露味好出 加上面頭有少少七味粉 仲會有點辣辣嘅感覺 而且呢個炒蛋比起頭先就超級滑 吐司都好軟熟
▶︎ 唯一可惜就係芝士味唔係好食得出 亦都冇想象中嘅拉絲🙈
▶︎ 私心讚下佢地嘅番薯條 外脆內糯 番薯好甜🤤
好味指數:●●●●◐
香蒜黑松露雜菌拉絲芝士盒子吐司
$65
15 views
0 likes
0 comments
━━━━━━━━━━━━━━━━━━━━━━━━━━━━
🧇E FOR EGG 芝士奶蓋招牌窩夫 $88
▶︎ 賣相冇得頂 兩舊窩夫夾住麻糬同cream 上面鋪滿芝士奶蓋同可可粉 旁邊仲有粒粒布朗尼
▶︎ 先講窩夫 係偏脆嘅口感 比較薄身所以唔係好做到外脆內軟 個人覺得冇乜蛋味😔
▶︎ 奶蓋有啲鹹味 不過唔突出 所有元素一齊食會覺得偏甜 而且到最後有啲漏😧
▶︎ 麻糬幾煙韌不過甜度可以降低少少 另外cream同brownie都係偏甜 或許奶蓋可以調得再鹹啲🤔
好味指數:●●●○○
E FOR EGG 芝士奶蓋招牌窩夫
$88
132 views
1 likes
0 comments
━━━━━━━━━━━━━━━━━━━━━━━━━━━━
🍮焦糖雞蛋布丁盒子吐司 $60
▶︎ 吐司包住雞蛋布甸 面頭淋上焦糖 亦有士多啤梨同忌廉點綴 因為有超級嫩滑嘅布丁所以整體食落很濕潤 不過略嫌蛋味唔夠🤏🏻
▶︎ 外層嘅吐司食落酥脆 內層仲係軟糯嘅 suppose應該比較熱辣辣不過我地掛住影相所以凍咗🫢 而布丁同樣都冰冰地 唔知係本身就係咁定係佢比冷氣吹凍咗😵💫
▶︎ 個人覺得焦糖係點睛之筆 雖然甜但係好幸福 同酥脆嘅吐司好夾👍🏻
好味指數:●●●●○
焦糖雞蛋布丁盒子吐司
$60
45 views
0 likes
0 comments
━━━━━━━━━━━━━━━━━━━━━━━━━━━━
☕招牌奶蓋咖啡(凍) $48
▶︎ 咖啡上面蓋住奶蓋 似一隻可愛嘅煎蛋🍳
▶︎ 咖啡味唔濃 可能因為有可可粉所以飲落有少少似mocha 另外似乎有酒精成分 不過飲唔出 芝士奶蓋嘅存在感都唔太高🤔
好味指數:●●●○○
━━━━━━━━━━━━━━━━━━━━━━━━━━━━
到訪日期: 7月頭(下晝)
快樂指數😋: ⑧⑥/①⓪⓪
性價比: 🌕🌕🌕🌗🌑
環境: 🟦🟦🟦🟦⬜️ (不過似乎樓下比較擠逼)
服務分: 🔆🔆🔆🔆🔅
再訪意願: ❤️❤️❤️❤️🤍
━━━━━━━━━━━━━━━━━━━━━━━━━━━━
Post
