富士山黑豚肉咖喱飯🥘
去唔到日本住 咁就食個富士山黑豚肉咖哩飯頂頂癮先 本來諗住呢啲咁睇得嘅野食 份量一定好少 點知個富士山真係認真唔細啊🗻 個日3個女仔食都夠啊🍚 雖然menu寫豚肉🐖 但食落就好似雞肉🐓 肉嘅口感一般 份量都唔算多 但好彩有個咖喱救場 好香椰香味 用嚟配飯就好正啦(^з^)-☆
粉紅鳥語雪糕忌廉海鮮意粉🍝
呢個一上枱真係變心心眼😍 粉紅色嘅雪糕🍦真係勁sharp💘 食呢啲要俾少少耐性等一等 打完個靚卡啲雪糕就開始融 咁個時撈就啱啱好啦 個人比較鐘意意粉 但朋友仔話呢個偏咸🙁 海鮮種類有蝦同帶子 種類比較少 而且帶子仲要原隻切片 所以計返落 份量真係唔多🤔🙁
牛油果香蕉抹茶奶昔🥤
一直都未試過牛油果奶昔 今次嚟一於試試佢 一入口其實無乜牛油果味🥑 隨之而嚟就係強烈嘅抹茶味 到最後就有番陣牛油果味出嚟 口感順滑 層次豐富 如果抹茶味同牛油果味平衡下 會更好(⁎⁍̴̛ᴗ⁍̴̛⁎)
藍柑橘柚子沙冰🧊
呢杯一上枱 直頭好似去咗夏威夷🏝 勁似瞓係海上面飲個啲 呢杯一入口又係唔係柑橘味 有啲似益力多 後勁就係柑橘啦 仲會食到啲柚子皮 呢杯認真足料啊 雖然都係兩個main 但兩個都偏漏 飲呢杯啱曬👍🏽
整體嚟講 係打卡勝地 食物雖然唔算出色 但份量都足夠 配料可以增加 可以令食物味道口感大大提升(^з^)
