明記海鮮潮州菜館 (天保大廈)

Open Now

Now Closed

早排我去左試荃灣開左好耐既一間潮州打冷菜館，一上去就見到擺放一列既潮州招牌菜，例如凍烏頭、滷水鵝、滷水墨魚、瀨尿蝦，風味十足。每枱都有醃製的鹹酸菜和炸魚，搭配香辣醬油，我地叫左一份蠔仔粥。份量足夠，蠔仔亦鮮嫩，沒有唔好既味道，另外有啲菜譜粒，加埋胡椒粉食完暖笠笠。跟住係蒜蓉開邊蝦，蝦新鮮大隻，肉質彈牙，下面既米粉吸收了蝦的鮮味同豉油嘅鹹香，根本停唔到。最後係翡翠炒龍躉球，依個菜因為唔夠味，稍微有啲失色，不過西蘭花都夠清脆。魚片亦外酥里嫩，點上少少蠔油，整體亦都十分不錯。