ZUC.CCH.ERO (Closed)

放學之後，師姐話想比啲驚喜我，就帶咗我嚟呢度食甜品，仲話保證正。間甜品餐廳個名好特別 ZUC. CCH. ERO 特別到我都唔識得點樣去讀，不過可能正因為咁樣先至夠特別。唔單止餐廳個名夠特別，就係連餐廳嘅裝修都好夢幻好得意好有趣。餐牌上面啲甜品完全都係平時冇食開嘅，全部都勁特別，真係花多眼亂，一時間都唔知叫乜嘢好。 不過到最後都揀咗呢個 Snow White (Apple Crumble)當我揀好甜品之後，鬍鬚仔廚師就即場喺我哋面前做甜品睇到廚師好俾心機咁去為我哋做甜品，就係藝術家創作藝術一樣，佢好全神貫注咁去做，呢種精神好值得我哋去 respectSnow White (Apple Crumble) $118呢個甜品係好靚好 artistic，睇落其實真係唔捨得去食，但甜品就係要食啦。 超級唔忍心咁樣去打爆個蘋果型糖皮，個糖皮好薄好脆，就好似玻璃咁一樣，但係就唔會口， 打開之後，裏面係有一個柚子 sorbet，仲有四方形嘅焦糖玉桂蘋果芝士蛋糕，同埋 apple crumble，全部夾埋啲味道好好味，食完之後唔會話太甜。我係第一次食呢種，手工藝術甜品，食完之後感覺好開心。