素聞呢間既戚風蛋糕唔錯，所以黎呢間位於海傍邊既餐廳黎聚會。去到唔少人排隊，都等左一段時間先有位。
睇完餐牌，我地揀左威士忌木桶煙燻鮭魚忌廉芝士酸種麵包、法式油封鴨脾配焦糖蘋果忌廉芝士酸種麵包、伯爵茶戚風蛋糕同熱美式咖啡。
威士忌木桶煙燻鮭魚忌廉芝士酸種麵包比想像中大份，有隻流心蛋，三文魚偏鹹，麵包搽左忌廉芝士，食完都飽肚。
法式油封鴨脾配焦糖蘋果忌廉芝士酸種麵包唔會太乾，麵包有nuts，都搽左忌廉芝士，流心蛋好流心，唔錯，如果大份d就好啦。
伯爵茶戚風蛋糕好鬆軟，好濕潤，伯爵茶味濃，淋上少少焦糖味既cream，一大享受。
