百樂小館 (Closed) View

旅行回來家姐第一時間約我飲茶交換手信，約 gathering 既推介一定要乾淨舒服，坐得闊落唔好迫。都仲要方便佢泊車喎！真係千挑萬選千呼萬喚！最終因為姐夫係潮州人佢好鍾意食呢間百樂小館。解決左我哋選址嘅煩惱！飲茶。滷水粉面飯乜都有，尤其是佢哋帶埋小朋友，我飲茶就鍾意嘆茶，我 ❤　蜜汁叉燒。好鐘意食叉燒，我覺得好夠味又夠香，勁多汁，叉燒仲有少少焦香～！嘩！好好味！好耐都冇試過食馬拉糕啦！仲要成個籠仔咁樣上，質感綿軟，做到古法馬拉糕的精髓，糖香味夠獨特。同埋叫咗我同家姐都好鍾意食的鮑汁扣鳳爪，果然好膠食完之後嘴邊有痴笠笠嘅感覺，可以補充骨膠原喔～哈哈！雞腳入哂味之餘仲炆得好腍。其實飲茶我傾計多過食嘢，我哋都係鍾意食點心，呢度啲點心真係幾靚下！時菜鯪魚球，鮮蝦燒賣，燒賣豬肉與蝦的比例均等，是半肥瘦算，彈牙又好味。香酥魷魚鬚，外皮香酥，魷魚須脆嫩可口。薑米鱈魚粒炒飯，飯身炒到清爽無油，粒粒分明，鱈魚有提味作用。女人嘅甜品開動，忙來忙去最想就係食花生湯圓。