富士山55 (拉麵沾麵專門店) (Closed)

好耐無去富士55食沾麵，因為宜家沾麵有太多選擇，除非令我念念不忘，否則，都想試多啲唔同嘅沾麵。今日下午經過銅鑼灣，好肚餓，想起富士55嘅沾麵，好，就重温一下，睇下水準仲喺咪度。平日嘅五點幾，店內空無一人。記得好耐之前係用鐵兜仔上沾麵汁，湯汁一凍就可以用枱面上嘅IH電磁爐加熱啲湯，當時呢個翻熱嘅舉動，係好創新好有特色的噱頭。而今日，轉左用石鍋！我唔知我無加芝士雜坎關唔關事🧐，不過，用石鍋確實更能保持湯汁嘅熱度！湯汁喺燒滾左嘅石鍋內，滾熱到起泡！超正！富士果然依舊無令我失望！沾麵汁好濃，麵條揀了軟麵，而真係做得到”軟”麵。合我心意！叉燒可以燒得多一啲溏心蛋都ok雞軟骨棒都好好味！要試可惜無影close up相😛一個人的超豐富下午茶+early dinner，好滿足！服務方面，唔知係咪因為未到晚市又無乜客，服務員喺度用電話，傾計，都唔太attentive，無乜理客人。所以，3分。