坐忘

Open Now

Now Closed

坐忘我已經幫襯咗好幾年，都唔記得食過幾多次喇，每次都係點炒15種野菜咖喱飯或豬軟骨咖喱飯。好鍾意佢果種日式家庭料理嘅感覺，覺得好warm好舒服。咁多年嚟水準都保持穩定，豬軟骨煮得好淋好容易入口，好大份好正，應該滿足到各位食肉獸。有位朋友平時唔食豬軟骨，我俾咗一舊佢試之後，佢問我再拎多一嚿（笑）至於15種野菜咖喱飯，據佢哋所講350g嘅蔬菜已經係人體一日所需嘅蔬菜份量，而且有15種咁多，口感非常豐富。我最鍾意食炸蓮藕片，薄薄脆脆好好味。素食嘅朋友可以揀依個！咖喱飯份量都唔少，建議細食嘅朋友叫少飯避免浪費 ～ 佢地午市/晚市同價，以天后區嘅晚飯嚟講，性價比真係冇得輸，難怪晚飯時段總見到一條人龍。