榮哥廚房私房菜

Open Now

Now Closed

平時食得住家菜多，今日同老公去食私房菜。呢度交通方便，喺觀塘地鐵出口， 一落條樓梯就到雖則位於比較古舊嘅工業中心，(慳番租金，把資金放落食材，最終都係食客得益) 亦無損我哋搵好嘢食嘅心情。菜館一出𨋢就見到，好易揾，裝修樸實。二人餐一共有九道菜咁多先有本地水耕沙律菜拌芝麻醬，一入餐廳已見到有水耕菜種植，保證新鮮，加埋芝麻醬，好開胃茶燻流心蛋拌黑魚子醬配厚切茄子，流心蛋煮到恰到好處，伴上魚子醬，立刻升級慢煮冰鎮爽口清酒南非鮑魚，鮑魚好爽口， 加上少少清酒味，感覺好清新原盅燉川貝陳皮海底椰鱷魚肉湯，呢排有少少咳，呢個湯止咳化痰，啱曬。足料靚湯 裏面啖啖肉蝦球水芙蓉，擺設精緻，蝦球仲好爽口彈牙，底下嗰層係滑滑蒸蛋白，面頭嗰層係 甘筍汁澳洲大露筍黑松露炒鮮百合賣相已經加曬分，蘆筍營養價值豐富，炒得爽嫩金銀蒜香有幾時令蔬菜食咗咁多好嘢，都要食返一碟菜平衡下。荷香蒜蓉海班片原籠蒸紅白米飯海斑片鮮嫩，冇骨，配上蒜蓉，非常滋美最後來個木瓜雪耳糖水，滋潤，甜度適中。不錯的體驗，下次叫多些人一齊嚟試多些食物。