三餐冰室

Open Now

Now Closed

聖誕節前去尖沙咀做個Facial，靚靚去party！做完Facial冇化妝，就同閨蜜一齊去附近食個晚飯。門面光鮮，裝修有一點點懷舊味道的三餐冰室，座位都坐得幾舒服，一於入內吃個鐵板餐。最鍾意有鑊氣的鐵板扒餐，熱辣辣吱吱咋咋，冬天食就最香噴噴啦！《招牌牛柳餐》$128先來餐湯，羅宋湯或是日餐湯，店員說羅宋湯是這裏的招牌湯，配厚多士又真係好少見。羅宋湯酸酸甜甜很開胃，帶點牛肉粒更加有咬口。鐵板招牌牛柳餐配薯菜，這份五成熟 的鐵板招牌牛柳，雖然有成寸厚，但入口確實有驚喜。肉質鮮嫩多汁，肉色粉嫩，黑椒汁十分惹味，兩樣加埋真係好香，令人食指大動！每客鐵板餐可追加：加$10白飯或意粉。不過兩大件牛柳確實足料，飽飽滿足了！奶茶紅豆冰，跟餐只加$12，平靚正！奶茶香濃、紅豆甜美，是一杯不錯的特飲。