貪心嘅我地湯底揀左復古味沙嗲湯拼媽好辣啊 麻辣湯($128+$20)。連食得辣嘅我都覺得麻辣湯真係幾辣，所以我地一大半時間都食沙嗲湯過邊~ 咁啱啤酒買三送一，啤一啤佢解辣一流！
例牌頂級安格斯牛頸脊嘅肉質好嫩，肥美度啱啱好，有牛味，配沙嗲湯真係無得頂~ 我地臨到最後仲特登order左出前一丁$38，整埋個高級版嘅沙嗲牛肉公仔麵，掛曬汁，唸起都回味~
珊瑚蚌同手打丸都係當晚嘅出色之作。珊瑚蚌睇落細細碟，但鋪得都幾密，食落超級爽。我地order左雙拼Q彈鮮蝦丸/芝士牛丸，爽口彈牙而且芝士真係一咬就出嚟，邪惡得來但滿足感爆燈。
我地仲叫左打邊爐必食嘅炸響鈴，新鮮脆身。
蜂巢冰豆腐$42同雜菜拼盤$88 有油麥菜、生菜、粟米、番茄、蓮藕、萵筍，都唔錯。
連火鍋醬料、餐前小食埋單$5xx/位，唔算平但食物高質而且坐得舒服可以慢慢食兼食得開心，值得一試！
Menu-
1
