炳記茶檔

Open Now

Now Closed

好耐無嚟大坑，成個坑唔同晒經過見到有啲懷舊嘅茶檔入咗去試佢個招牌豬扒火腿蛋公仔麵加凍檸茶。公仔麵口感唔似出前一丁，因為比出前一丁軟身好多，蛋、火腿、腸都煎得幾香，就係正正常常既味道同煮法。凍檸茶夠酸夠冰，飲完好爽，但係茶底係比較苦帶少少甘。價錢都算friendly。環境雖然簡單，但坐得舒服，唔會逼。雖然天氣真係好熱，但呢啲懷舊茶記真係買少見少，所以都唔係幾介意咁熱住食，但就真係要叫返杯凍飲飲飲。職員態度都算親切，好有本地街坊feel。平時如果想懷裡一下都可以嚟食下野醫下肚。