中環茶記 (Closed)

今日經過蘭桂坊，見到門面好靚嘅一間冰室，叫中環茶記，入去試下佢哋嘅香港懷舊鐵板餐同精美小菜，鐵板餐叫咗香煎美國牛柳配大蝦，揀咗黑椒汁，個牛柳真係好淋好嫩而且好有牛味，大蝦有兩隻， 煎得好香，而且鐵板上面嘅薯條熱辣辣點埋茄汁食又口感一流。而小菜我哋點咗美極煎大蝦，總共有六大隻，因為加咗美極及廚師手勢關係，煎得好入味送飯一流，如果鍾意食蝦嘅朋友絕對要嚟試美極煎大蝦，另外叫咗個潤肺例湯，係老黃瓜赤小豆紅蘿蔔煲西施骨，材料誠意 都十足，比起出面啲例湯只係得啲水簡直天淵之別，其實呢度出名嘅仲有流心西多，但係因為今次食晚飯關係，所以冇叫到，下次中午或者下午茶時段黎我一定會試埋個流心西多，有咸有甜…