A Fat Hotpot

今晚食咩好？今次介紹喱間火鍋一入到去好似進入咗時光隧道倒流番去七十八十年代一樣，有涼茶舖，銀號，雜貨舖。枱面上嘅餐具都係向懷舊嘅公雞碗，餐廳內亦會播放懷舊嘅金曲，成個氣氛充滿懷舊風情及足跡。

考慮咗好耐要咩湯底最後決定叫鴛鴦戲水鍋，一邊係麻辣一邊係松茸菌。一嚟到首先飲咗啖松茸菌，湯底好清甜唔會有青草味。而麻辣湯底麻辣香味十分濃郁，先辣後麻有陣陣花椒香，麻勁辣勁兼備!

要推薦下風塵三俠，三俠分別係鮮蝦滑，墨魚滑及牛肉滑。鮮蝦滑及墨魚滑口感彈牙鮮甜，而牛肉滑肉味濃郁肉質爽嫩食得出以新鮮食材打成。

黑毛豬腩片肉質鮮嫩肥瘦適中，放咗落去一段時間肉質都唔會變得好硬。而牛胸爽入口爽口，而且仲有陣陣香濃牛味味道非常突出。

整體來說很滿意。這間餐廳性格比較高，菜品選擇種類亦多，值得推薦。