火水爐花膠館 (Closed)

一間好適合一班人烚下烚下，走懷舊風既雞煲火鍋店。懷舊控一定鍾意呢度既環境氣氛，真係令人好難忘。主打花膠雞煲，花膠係正既，雞煲醬汁調味都恰到好處，bb辣少少麻我就覺得剛剛好喇。之後轉煲打邊爐，而唔係加湯落雞煲。我欣賞哩點，加湯太油膩喇。而佢既湯底係香噴噴既魚湯，每次加湯絕無減料，或許有少少味精，但仍然很好。頂級牛小排係靚既，其他火鍋配料大同小異正常質素。配合返七十年代主題，佢有油炸鬼😍😳而最令我驚喜既係幼蛋麵，係其他地方未必有。鍾意食鹼水麵發達了，印象中咁幼咁彈牙既麵好似係好耐以前食過。拿，帶返個頭盔，我都係後生老一輩食可能覺得完全比唔上舊時。套餐每位$258-$298，價錢比一般雞煲貴少少，但質素及環境絕對值得。