下午茶時段無叫鹹食，叫左三款糕點同飲品，賣相幾打卡able，味道唔錯，不過價錢少少貴。
流心焦糖蛋撻 $32 鬆脆外皮，蛋香味濃，加上流心焦糖漿，好味。
杏霜卷蛋 $32 我本身唔太喜歡杏仁味，所以只係試左一啖，味道食得出杏霜味但唔算太濃，口感幾軟綿。
檸茶曲奇 $36 加左糖漬檸檬，食到一粒粒，嗒到個檸茶味。而且塊曲奇大大件，口感軟身實在，成塊食應該幾飽肚，開心Share會好啲。
拉鐵 $38 拉花係隻狗狗，賣相好靚。
檸啡 $42 特濃咖啡加青檸，朋友話正常。
泡泡樂 $42 呢個Cokeccino 幾有特色，奶泡加可樂，飲落有少少似雲尼拿味可樂。
