華叔海鮮飯店

放工回家途中 每次喺對面馬路經過都畀呢間貼滿滿小炒海鮮相片嘅餐廳吸引到 今日終於一試睇下係咪真係好似啲相咁吸引😊

入到去見到已經坐滿八九成客 望落去都似係街坊 心諗應該唔會差得去邊😊😊😊

宵夜今晚想食小炒 好食下次先再食海鮮😅 坐低 當然要嗌番支啤酒啦 夠凍正🍻😋😋😋

小炒 海鮮種類繁多 基本上諗得出嘅都有👍🏻👍🏻👍🏻

中式牛柳 醬汁味道正常但係啲牛柳係七成都有渣咬唔到😑😑😑😑😑

滑蛋蝦仁 睇相就知道呢碟嘢改錯名啦！啲蛋仲老過阿婆 蝦仁係彈牙😑😑😑

1

揚州炒飯 喱碟飯夠曬鑊氣 用料都十足 蝦仁都係彈牙 如果火腿改返做叉燒咁就完美😋😋😋😋

1

唔知係咪夜咗嚟 老闆同其他枱客人飲多兩杯 所以食物質素有啲參差😑😑😑 或者下次應該早啲嚟同食海鮮？😅😅😅😅😅