NUTTEA (Hoi Kwong Street) (Closed)

5月5號晏晝諗住用OpenRice app 落單，減少排隊時間。過咗10幾分鐘落到店舖，點知OpenRice彈出嚟話釘單已被取消，原因係餐廳未有接單。我問收銀姐姐點解未有接單，佢死都話冇收到訂單，之後我比OpenRice個畫面俾佢睇，佢黑起塊面。對唔住都唔講一句，跟住同我講，「咁你咪而家落單囉」。我落到舖頭，只係見到佢同側邊個店員係咁傾偈，同埋碌手機。佢哋掛住傾偈唔願做，咁咪唔接單囉。如果唔願做生意嘅，就麻煩舖頭老闆唔好申請OpenRice網上接單功能。唔好要啲客白行一趟，仲要睇住你收銀姐姐啲面色。成日話疫情關係影響生意，但係我真係睇唔到哩位收銀姐姐有幾想做生意，有幾努力想保住自己份工。