瀛燒居酒屋

放工好肚餓，不如就響呢頭揾食，行過見到呢間舖頭，係一間居酒屋，好似幾好咁，於是入去睇睇!餐廳有兩層地方唔大唔細，睇落好有日本風格。坐得幾舒服，環境乾淨整齊。

睇到餐牌好多嘢都想食，我就叫咗牛腸鍋，份量都唔少，鍋入面有牛腸，粉絲，冬菇，金菇菜，雞脾菇，大葱，苟菜，娃娃菜，紅辣椒。牛腸入面夠粉 煙韌彈牙。

小食就叫咗自家手作雞肉棒，阿波尾雞翼。雞肉棒口感豐富淡淡肉，雞翼香噴噴燒得剛好金黃色。

串炸物我叫咗日本宮崎腸，日本白板魚蛋，三文親子。(再配上燒汁)，宮崎腸味道特別，似煙燻過，外皮炸得唔太厚，唔會膩。魚蛋彈牙夠爽!炸三文魚配上魚子最啱係送酒!

本人酒量麻麻，點咗柸山梨巨峰Sawa氣酒，有水果味容易入口，味道都唔錯。