有夜與朋友共8人進餐
由於人數多，都要等吓。 從等候過程開始觀察，服務很好，會向再下一批準備入座客人講解實際情況，例如有兩枱已經用完餐相信就快可以入座，而不是簡單一句等等就算。
食物方面，以意粉risotto等為主力，款式較現代，例如明太子之類其他國家材料。 因為當日人多，試了好多款，醬汁調味很到位，不是說咸甜辣嘅到位，而是該款材料本身味道的presentation. 係明顯食得到要有嘅味道。risotto好難得係偏意式，少少硬芯，而唔係大多數港式林透。基本上全部發揮得好好。 當晚有自助飲品優惠，幾款果茶都很香很清新而不淡。
整體服務很貼心，喺近年想搵間有正常人做樓面都難嘅時勢，不但有禮貌，仲好貼心。
臨走想喺門外影大合照，店員兄好細心幫手影相，而且係識構圖🤣
推薦推薦
以上食記乃用戶個人意見，並不代表OpenRice之觀點。
讚好
用餐方式
Dine In
