Cafe Paradise (Closed)

同友人一齊嚟剛開業幾天的Paradise cafe ,門口貼住試業中，見佢店舖雖然細，但裝修都算唔錯，尤其佢放左個旋轉木馬擺設響外面，引左好多人留意到！佢都係一般cafe 以意粉,咖啡,全日早餐為主！我今次點了"卡邦尼粉意+馬琪朵咖啡"$75,等一會意粉就上枱，見佢賣相都可以，食落去意粉硬度，卡邦尼汁都做得不錯，但我唔知係佢哋未有經驗定係什麼問題，芝士粉、辣椒仔要自己叫佢先去拿比你都算，水都唔係自動自覺比，食到一半，佢個馬琪朵真係嚇我一跳，個份量同杯係一個好別緻的心型，但細到好似特濃咖啡一樣，其實我都飲過馬琪朵，但唔係咁樣架喎，我今次真係中伏，仲要苦到冇人有！之後當我個朋友食完曬叫賣單，我同我朋友叫左四五次，個個都掛住睇電話冇人理我哋，所有事都係踢一腳郁一下！佢個意粉係可以的，希望個咖啡只係自己叫錯，但你收得人七八十元一個午餐，你要比好少少嘅服務都得掛！