Exotica Gelatea

Open Now

Now Closed

Item: Exotica Gelatea
Rating: 5
Author: bobochow_

4.5

556 Reviews

Taste

Decor

Service

Hygiene

Value

3238

Causeway Bay

$101-200

Western Hamburger

508

bobochow_

Level4

1.1K

用意大利歌劇院做主題嘅餐廳都真係幾特別🍴店入面嘅裝修都好有feel 有好多掛畫同埋面具嘅裝飾✨呢到除左有漢堡包食🍔最正一定係自家製gelato 必試呀🍨.📌A1 Pork Burger $85塊扒係用免治豬肉整個肉味好濃郁但完全零騷味🐷雖然個口感好乾鞋又冇肉汁但係都出奇地好好食‼️係用左Poland嘅靚豬真係好有誠意同呀姨唔鍾意豬漢堡都覺得好出色🫶🏻漢堡包包身好鬆軟不過就偏乾左少少🤏🏻食落冇乜牛油味但奶味就好香甜🧈上下層塊包都搽滿蛋黃醬🍳加埋車打芝士片🧀煙肉🥓蕃茄🍅生菜🥬洋蔥碎🧅更加滋味🤤.📌A2 Bacon Cheese Burger $85原本以為得煙肉同芝士點知仲有塊牛肉漢堡扒🤩煙肉份量好多個口感勁正煎到勁香脆感覺應該似炸多啲迫晒啲脂肪出嚟食落完全唔油膩🥓漢堡扒係免治牛肉個牛同樣高質濃郁牛味仲好juicy🥩入面同樣有滿滿蛋黃醬仲多左自家製嘅三個月beef garum 味道即時昇華🐮.📌Gelato Toast $99甜品控一定要試呢個😍佢同french toast同港式西多都唔同就咁將兩層厚厚嘅麵包搽牛油煎香🍞包身食落非常之鬆軟牛油味唔算太出

Read full review

用意大利歌劇院做主題嘅餐廳都真係幾特別🍴店入面嘅裝修都好有feel 有好多掛畫同埋面具嘅裝飾✨呢到除左有漢堡包食🍔最正一定係自家製gelato 必試呀🍨

6 views

0 likes

0 comments

.
📌A1 Pork Burger $85
塊扒係用免治豬肉整個肉味好濃郁但完全零騷味🐷雖然個口感好乾鞋又冇肉汁但係都出奇地好好食‼️係用左Poland嘅靚豬真係好有誠意同呀姨唔鍾意豬漢堡都覺得好出色🫶🏻漢堡包包身好鬆軟不過就偏乾左少少🤏🏻食落冇乜牛油味但奶味就好香甜🧈上下層塊包都搽滿蛋黃醬🍳加埋車打芝士片🧀煙肉🥓蕃茄🍅生菜🥬洋蔥碎🧅更加滋味🤤

.
📌A2 Bacon Cheese Burger $85
原本以為得煙肉同芝士點知仲有塊牛肉漢堡扒🤩煙肉份量好多個口感勁正煎到勁香脆感覺應該似炸多啲迫晒啲脂肪出嚟食落完全唔油膩🥓漢堡扒係免治牛肉個牛同樣高質濃郁牛味仲好juicy🥩入面同樣有滿滿蛋黃醬仲多左自家製嘅三個月beef garum 味道即時昇華🐮

.
📌Gelato Toast $99
甜品控一定要試呢個😍佢同french toast同港式西多都唔同就咁將兩層厚厚嘅麵包搽牛油煎香🍞包身食落非常之鬆軟牛油味唔算太出🧈反而有陣楓糖漿味🥞再加埋淋滿嘅朱古力醬真係夠晒肥仔但出奇地一啲都唔甜膩🍫Gelato揀左Valrhona Dark Chocolate好有驚喜🤎口感好綿密實在又帶點拉扯煙韌🥹味道夠濃苦仲有啲朱古力碎碎好好食💯

.
📌Gelato Platter $397
呢間小店全部gelato都係自家製真材實料所以價錢會貴啲🤑不過大部分都偏甜同重奶味🙊Standard有七款($56/1 $96/2 $106/3)1️⃣Valrhona Dark Chocolate2️⃣推介Passionfruit Sorbet 好酸好清新超開胃3️⃣Rose Mulberry Cream有啲莓籽酸酸甜甜但莓同玫瑰味都唔夠4️⃣Black Cherry Swirl莓味唔濃同樣偏甜重奶味5️⃣Coconut Pineapple好熱帶風情嘅感覺有少少椰子碎菠蘿味好香但有少少苦味6️⃣Yogurt 幾似平時啲froyo 但就冇咁酸偏甜同重奶味7️⃣Chocoalte Banana勁濃香蕉味口感都好似食緊香蕉蓉咁冇乜朱古力味同偏甜
Premium有三款($69/1 $119/2 $129/3)1️⃣大推D24 Durian 味道超濃郁好似食緊榴連蓉咁口感又綿又滑2️⃣Osmanthus Chrysanthemum好清香桂花味但都偏奶味3️⃣Pandan Lemongrass Bluepea香茅味同斑斕味道好濃但有啲苦味