熱辣辣嘅天氣真係令人好唔舒服，真係搞到個人好想食啲濃味嘅野。於是就去左食韓燒，一於以毒攻毒。咁岩近期炑八又有新餐單(燒烤生米酒套餐)推出，份量都幾豐富同埋仲包兩杯米酒。
泡菜蛋,芝士粟米
呢度第一樣最正嘅就係無限任加泡菜蛋同埋芝士粟米，同埋各種韓式前菜。啲前菜味道清爽可口，就咁食或者同黎配燒肉食都唔錯。而芝士粟米更加唔洗講我地一直加到尾。
韮菜大根煎餅
食完一輪，韮菜大根煎餅就黎喇。煎餅本身夠脆身唔會太咸重，最啱配跟上嘅醬汁
生米酒
跟餐兩大杯，其實係兩大碗嘅米酒入口酒味唔重, 岩晒大部份人
燒烤生米酒套餐
之後燒肉拼盤就到喇, 春川雞,牛前胸,大蝦,豬頸肉,五花肉等待。兩人份量黎講都算幾多。
咁多樣野我最鍾意就係豬頸肉同五花肉
因為燒到焦香再配埋生菜包，真係超正。
初夏花冷麵
最後叫埋埋個初夏花冷麵食。為左咁多熱野, 真係啱晒驅一驅熱,真係覺得暑氣消減左唔少。
成個套餐兩個人食啱啱好，下次都會再叫朋友黎試下
